Regelsamling i matematikk for ungdomssteget

Bjørnar Alseth, Ingvill Merete Stedøy-Johansen, Grete Normann Tofteberg

Gyldendals regelsamling i matematikk inneheld dei viktigaste matematiske definisjonane, formlane og reglane. Ho er laga til bruk i ungdomsskulen og utarbeidd i samsvar med gjeldande læreplan (LK06).

(Nynorsk) Regelsamlinga kan fungere som ei støtte til arbeidet i faget. Ho kan òg vere eit nyttig hjelpemiddel på prøver og på eksamen, del 2, der alle hjelpemiddel er tillatne. Regelsamlinga er organisert etter hovudområda i faget: tal og talrekning, algebra, funksjonar, geometri, målingar, statistikk og sannsynsrekning.
Dette er ikkje ei lærebok, men ei regelsamling som gir oversikt over det faglege innhaldet og aktuelle definisjonar, formlar og reglar i dei matematiske tema. Til kvar definisjon, formel og regel er det gitt eit døme som syner korleis han kan brukast. Det er sett av plass slik at eleven kan gjere eigne notat, som forklaringar, fleire døme, andre reglar eller anna.

Inngår i læreverket Regelsamling i matematikk for ungdomstrinnet.