Foto: Helge Skodvin

Gunnhild Øyehaug

f. 1975

Gunnhild Øyehaug, fødd 1975, busett i Bergen.

Ho debuterte med diktsamlinga Slaven av blåbæret i 1998. Ho har gitt ut novellesamlinga Knutar (2004) og essaysamlinga Stol og ekstase (2006). Gunnhild Øyehaug er utdanna cand.philol, er lærar ved Skrivekunstakademiet i Hordaland og medredaktør av litteraturtidsskriftet Kraftsentrum. Ho har tidligere vore medredaktør i tidsskriftet Vagant og litteraturkritikar i Morgenbladet og Klassekampen. I 2006 fekk ho Bjørnsonstipendet og i 2007 Tanums kvinnestipend.

Utgivelser

Draumeskrivar
Ei kvinne klarer ikkje å fjerne neglelakken frå neglene sine, ein litteraturprofessor skal sykle heim frå førelesing og hamnar i eit mareritt, ei kvinne drøymer kontinuerleg om noko anna enn dette, nokon forsvinn ut gjennom bussveggen ein heilt vanleg regnvérsdag, og intellektuelle kriser opptrer også i verdsrommet. I korte glimt viser kanskje livet seg i rein form, anten i draume eller i levande live, men kven kan forstå det, og kven kan fortelje? Draumeskrivar spør.
Lydbok
Presens maskin
Presens Maskin handlar om Anna og Laura. Dei er mor og dotter, og idet verda eit overraskande sekund deler seg i to parallelle univers ein gong på 90-talet, blir dei fanga i kvar sin del. Tjueein år seinare har livet gått vidare som om ingenting har skjedd, men i dei to kvinnene sine liv er det noko som ikkje stemmer. Presens Maskin er ein kjærleiksroman om livets ubotelege einsemd. Om uante konsekvensar av feillesingar, om fåkunne og undring, om merkelege lys på himmelen, strandsniper, barn, språkets indre, uforståelege pianostykke, og ikkje minst, om menneske i relasjon til andre menneske. «Roman som utvider tankene. Øyehaug skaper et sinnrikt og flertydig romanunivers med parallelle verdener.» Gro Jørstad Nilsen, Bergens Tidende «En av landets smarteste og kuleste forfattere.» Knut Hoem, NRK
Lydbok
Vente, blinke
Vente, blinke er ein roman med fleire historier. Vi møter den unge og noko forknytte litteraturstudenten Sigrid og hennar skjelsettande møte med forfattaren Kåre, filmregissøren Linnea som skal på locationjakt i København, performancekunstnaren Trine som slit med mjølkespreng, og ikkje minst Viggo, nok ein litteraturstudent, som lengtar inderleg etter å høyre saman med nokon eller noko. Fiskehandlardattera Elida, filmprodusenten Robert og litteraturprofessoren Göran spelar også sine roller i denne bunten av skjelvande og tidvis desperate karakterar. Vente, blinke er både humoristisk og djuptloddande. Dette er ein roman om drift og draumar, kvinner og menn, om kjærleik og om kva det vil seie å våge å vere seg sjølv. Brageprisnominert 2008.
Lydbok

Gunnhild Øyehaug

Utgivelser

Draumeskrivar

Presens maskin

Vente, blinke

Draumeskrivar

Presens maskin

Vente, blinke