

Jubileumsnummer av «Vinduet»
Siste utgåve på papir!
Vinduets jubileumsutgåve ser tilbake på eiga historie og skodar fram mot ei digital framtid
Det er slutten på ein æra når Vinduet no lanserer ei jubileumsutgåve for å markere tidsskriftets 75. årgang. Frå og med hausten vert Vinduet nemleg heildigitalt, med lanseringa av ei heilt ny nettside under nye redaktørar. Det ferske nummeret er såleis det siste fysiske eksemplaret av Gyldendals tradisjonsrike tidsskrift – for ikkje å seie flaggskip – for litteratur.
«Det har vore eit enormt privilegium å få sette mitt stempel på ein liten del av Vinduets historie som redaktør dei siste åra», seier Maria Horvei, som med dette avsluttar redaktøråremålet ho tok fatt på i 2018. «Denne jubileumsutgåva er ikkje så mykje eit forsøk på å samanfatte alt som har vore, men å peike på nokre delar av heile tidsskriftets historie til no det kan vere verdt å ta med seg vidare – eller, for den del, som det er like greitt at me legg bak oss.»
Overgangen mellom papirformatet og den digitale framtida som ventar pregar då også innhaldet i nummeret. Forutan eit breitt utval drøftingar av Vinduets eige arkiv, tek ei rekke tekstar for seg framtidsutsiktene til ein litteratur som ikkje berre vert formidla gjennom, men i aukande grad også forma av, digital teknologi. Den norske romanen i strøymeteknologiens hundreår, lydbokrevolusjonen, Amazons moglege inntog på den norske bokmarknaden – alt dette og meir til vert diskutert i jubileumsnummeret.
«Tidlegare jubileumsutgåver av Vinduet har markert ein liten pause på vegen vidare – denne gongen er det ein total kursendring som står føre oss», seier Horvei. «Det kjendest difor naturleg å nytte høvet til å sjå på samtida og framtida for litteraturen, heller enn berre å sjå seg bakover.»
Vinduet har alltid vore kjenneteikna av sine sterke, og høgst ueinsarta, redaktørar. Blant dei det vert kasta lys over i jubileumsutgåva, finn ein Jan Erik Vold, Knut Faldbakken, Jan Kjærstad, Audun Vinger og Kaja Schjerven Mollerin – i tillegg til at fleire redaktørar bidreg til innhaldet i bladet, blant dei Janneken Øverland, Tor Eystein Øverås, Ane Farsethås og Preben Jordal. Når også noverande redaktør Horvei og påtroppande redaktørar Simen V. Gonsholt og Ola M. Innset stiller med byline, kan ein verkeleg snakke om eit møte mellom fortid, notid og framtid.
«Vinduets store styrke er at det er ein standhaftig tradisjon, basert på kontinuerleg fornying,» seier forlagssjef Kari Marstein. «Kvar redaktør som har kome inn, har forma Vinduet i sitt bilete, men tidsskriftets unike posisjon i Litteratur-Noreg har sikra at det aldri har levd og døydd med einskildpersonar. Redaktørane har kome og gått – men Vinduet som institusjon har bestått. Endringa som kjem til hausten, er meir radikal enn tidlegare, i alle fall i det ytre, men eg har stor tru på Vinduets evne til å overleve oss alle saman.»
Les meir om innhaldet i siste nummer av Vinduet
Relaterte artikler


Espen Søbye mottar Gyldendalprisen 2021

Bjørnsonprisen 2022 til Niviaq Korneliussen

Tarjei Vesaas' debutantpris til Kristin Vego

Litteratur med innsikt om Russland

Douglas Stuart til Norge

100-årsmarkering for Sigbjørn Hølmebakk

Vårens bøker 2022

Bragepris til Lena Lindgren

Augustprisen 2021 til «Eufori» av Elin Cullhed

«Fedrenes misgjerninger» kåret til beste svenske krim 2021

ARKs barnebokpris til Arne Svingen!

Nominert til Ungdommens kritikerpris

Miniturne med Kolloen, Jaklin og Corell

Fire Bragepris-nominasjoner til Gyldendal

Nobelprisvinner i litteratur Abdulrazak Gurnah til Gyldendal

Gripende og ambisiøs roman fra forfatteren av «Alt lyset vi ikke ser»

Aschehougprisen 2021 til Karin Haugane

Per Olov Enquists pris 2021 til Jan Grue
